Já góðan og blessaðan. Ég tel það happadrýgst að byrja þessa bloggfærslu á einhverju leiðinlegu og taka svo upp léttara hjal í lokin. Ég fór í LUNDAR-mat annan eða þriðja mánudaginn í röð, það var geðveikt fyrir utan bragðið af matnum það var rétt tæplega sæmilegt. Þá er leiðinlega partinum lokið og skemmtunin getur byrjað. Ohh nú rétt í þessu gerði ég mér grein fyrir því að þótt maður ýti ekki á shift og enter þá kemur samt bara eitt línubil en ég var að gorta mig af því í síðstu þarsíðustu færslu að ég væri búinn að læra að gera bara eitt línbil en það virðist vera einskis nýtt nú á þessum allra síðstu og jafnframt verstu tímum. Annars er allt gott að frétta sko, fyrir utan þá augljóstu staðreynd að á miðvikudaginn í síðustu viku var ég reiðari en ég hef verið áður í þessu jarðneska lífi mínu þegar Manchester United datt út úr Meistaradeildinni með skömm mér tókst þó að hemja reiði mína nokkuð vel en það lágu því miður þrjú glös í valnum, eða rétt er að sagt í ruslafötunni brotin. Nú síðasliðin 3 ár og hálfu betur hef ég stundað nám við Menntaskólann á Akureyri og hef ég á hverjum einasta morgni velt því fyrir mér afhverju í ands... fjarvistir kennara standa ekki alltaf á upplýsingaskjánum en þær eru bara hluti af einhverju powerpoint showi þarna. Þegar ég skunda galvaskur í skólann á morgnana er mér alveg nákvæmlega sama (og ég fullyrði að ég tala fyrir munn fleiri) þó svo að Kristján Edelstein sé fjarverandi í tónlistarskólanum eða að 4.X ætli að vera með einhvern aukatíma klukkan 16:10 á þiðjudögum og fimmtudögum auk þess sem mér og vonandi flestum nemendum skólans hefur verið gert það nokkuð ljóst að matseðill mötuneytis LUNDAR vhf. sé á muninn.is, en já ég hef ákveðið að hætta að kvarta yfir þessu og einbeita mér að einhverju öðru mismikilvægu. Eftir einungis örfáa daga hefst jólafríið mitt loksins, en það verður á föstudaginn í þessari viku sem þýðir að vísu að ég þarf að skrópa á mánudaginnn og þriðjudaginn en það er allt í lagi því ég reikna með því að ekkert merkilegt muni fara fram undir þaki menntastofnunarinnar fornu þessa daga eða ég vona það allavegana. Í staðinn fyrir að mæta í skólann ætla ég að eyða tíma í höfuðborginni eða vinna á Heilbrigðisstofnunni á Blönduósi en það fer allt eftir framboði og eftirspurn á starfskröftum mínum eða reyndar bara eftirspurn. Hey ég nenni þessu ekki lengur, bæjó Þetta er Frímann Haukur Ómarsson sem talar frá Akureyri

Ég hef ákveðið að gera eins og allir hinir í heiminum, njótið vel

Kommentaðu nafninu þínu og...

1. Ég segi þér eikkað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð minnir mig á þig
4 Ég segi þér fyrstu ljósu minninguna mína af þér
5. Ég segi þér á hvaða dýr þú minnir mig á
6. Ég spyr þig að einhverju sem ég hef velt lengi fyrir mér um þig
7. Ef þú lest þetta verðuru að setja þetta á bloggið þitt

Það er að vísu alveg gríðarleg áhætta að setja svona því það gæti komið í ljós að ég eigi enga vini þannig að ég hvet fólk til að reyna að láta mig lifa í þeirri trú að ég eigi einhverja og kommenti hér.

Þetta er Frímann Haukur Ómarsson sem talar frá Akreyri

Góðan dag, í tilefni þess að í dag er mánudagurinn 28. nóvember hef ég því ákveðið að drita niður nokkrum misvel völdum orðum hér á þetta ógnarvefsetur mitt. Ég var að læra að gera einfalt bil á þessari síðu og mun ég því nota það óspart um komandi ár. En þetta er ekki það eina sem ég hef lært nú síðan síðasta færsla var skrifuð, ég hef m.a. læra oggupons í líffræði sem var einmitt prófað úr í morgun og jafnvel eitthvað í stærðfræði líka en úr henni verður prófað stundvíslega klukkan 10:00 í fyrramálið, þó svo að ég reikni með því að þetta próf muni ekki gilda til lokaeinkunnar þar sem lélegasta hlutaprófið gildi eigi. Í dag gerðust undur og stórmerki en þá fór ég í fyrsta skiptið í hádegismat á mánudegi á LUNDI-sjálfseignarstofnun á þessu skólaári en þar var boðið upp á soðinn fisk og plokkfisk og er skemmst frá því að segja að plokkfiskurinn bragðaðist með afbrigðum vel, en þar með er ekki nema hálf sagan sögð því ég lagði líka land undir fót og fór í kvöldmat og snæddi þar alvöru hakk en eins og alþjóð veit er ekki oft sem það gerist. Þá er þessum LUNDAR-sjálfseignarstofnunar matarumræðum lokið af minni hálfu en lesendum er gefið orðið hér í skoðunum þar sem þeir geta tjáð sig um þetta í rituðu máli. Ég tilkynni hérmeð með stolti að ég og Kiddi Hlaupari höfum ákveðið að ganga í Ku Klux Klan og mega svertingjar landsins því fara að vara sig (ég tek það fram að við erum ekki rasistar í alvörunni og erum að grínast). Ég og hinn Kiddi höfum ennfremur ákveðið að stofna Íslandsdeild Likud-bandalagsins (sem er stjórnmálaflokur í Ísrael) og höfum við ákveðið að reyna að fá uppgjafarformann alvöruflokksins Ariel Sharon til þess að kenna okkur réttu handtökin. Hildigunnur Þórsdóttir og Þóreyjar va að tilkynna mér það rétt í þessu að ég væri á leiðinni í laufabrauðsútskurð næstu helgi að heimili Silverfox og Svövu þvottahúsgellu en það verður væntanlega leiðinlegasta stund lífs míns, nei smá grín það verður ábyggilega geðveikt í ljósi svalleika allra aðila sem hlut eiga að máli þar á meðal Ö en háaldraðir gestgjafarnir eru einmitt amma hans og afi. Núna tel ég best að fara að læra fyrir stærðfræðipróf Þetta er Frímann Haukur Ómarsson sem talar frá Akureyri

Í tilefni af íslenskuverkefnisskilum á morgun hef ég ákveðið að blogga, þ.e.a.s. vegna þess að það er miklu skemmtilegra að skrifa allt það rugl sem manni dettur í hug (og þú neyðist til að lesa) heldur en að skrifa eitthvað um einhverja Finnu úr hinni stórbrotnu skáldsögu Sjálfstæðu fólki eftir Nóbelsskálið okkar eina. Nú síðustu daga hefur verið óvenju mikið að gera hjá mér þar sem Gummi gógó kíkti í heimsókn með stútfullan harðan disk af myndefni og hef ég verið að fikta við áhorf á hinni gríðarvinsælu unglingasápuvæluþáttum The O.C. og hefur mest allur tími minn undanfarna daga farið í að glápa á þessa þætti, alltaf jafnmikið að gera á LUNDI-nemendagörðum. Ég þori nánast að fullyrða að á mínum áralanga skólaferli hef ég aldrei farið í jafn fáa tíma á einni skólaviku og einmitt núna, en það var frí á mánudaginn og síðan hefur verið mikið um kennarafjarvistir og ekki alveg laust við yfirsof af minni hálfu. Annars er gaman frá því að segja að vetirarfrí var haldið heilagt í Menntaskólanum á Akureyri síðustu helgi og sá ég mér ekki annað fært en að skunda suður yfir heiðar í góðra vina hópi. Fyrir sunnan gerðist margt og mikið en þar ber hæst að nefna gríðargott labb mitt og Andrésar úr Vogatungu í Kópavoginum (sem er ekki langt frá skiptistöðinni sálugu sem er rétt hjá Kópavogskirkju og ef fólk hefur ekki áttað sig á staðarháttum núna er það vinsamlegast beðið að hætta að lesa þetta uppfræða sjálft sig um mikilvægari málefni) og í Keiluhöllina í Öskjuhlíð en við vorum rétt rúmlega þær 20 mínútur ég áætlaði í þetta eða 4x lengur (1klst og 20 mín fyrir þá sem eiga að vera farnir að uppfræða sjálfa sig núna). Í Keiluhöllinni var staddur ekki ómerkari maður en Egill Steinar Ágústsson ásamt fríðu föruneyti en þau voru um það bil að klára keiluleikinn þegar okkur bara að garði. Þessi ferð var þó ekki alveg tilgangslaus því ég nappaði keiluskóm sem kom í ljós við nánari athugun að voru akkurat í minni stærð. Eftir þetta gerðist margt og merkilegt sem tengist miðbæ Reykjavíkur og ég nenni ekki að fara út í hér, enda langt um liðið. Annars er næst á döfinni að kíkja á árshátíð Heilbrigðisstonunarinnar á Blönduósi sem verður haldin hátíðleg nú á laugardaginn og í framhaldi af henni verður rjúkjandi hress dansleikur með risaStórsveit Geirmundar Valtýssonar sem mun, ef ég þekki hann rétt, trylla lýðinn fram á rauða nótt og sé ég því ástæðu fyrir alla eldheita skemmtanaunnendur að skella sér í höfuðstað Austur-Húnavatnssýslu (tja og Húnavatnssýslna allra) um helgina því fyrir einungis 2400 krónur fær fólk aðgang að dansleik þessum, það er ekki á hverjum degi sem fólki býðst slíkt kostaboð. Annars hef ég ákveðið að halda áfram með þetta blessaða verkefni. Þetta er Frímann Haukur Ómarsson sem talar frá Akureyri

Vildi bara vekja athygli á flunkunýrri skoðanakönnun sem mjög mikilvægt er að landsmenn allir sameinist um að taka þátt í

Já góðan og blessaðan. Að vanda er alltaf jafnerfitt að byrja svona bloggfærslur og hef ég því ákveðið að sleppa því í þetta sinn. En annars hefur margt mismerkilegt dregið til tíðinda hjá mér í gegnum dagana eða allt frá því þann 13. okt þegar síðast var yrt á lesendur hér á þessari síðu. Það ber hæst að nefna að ég skellti mér suður yfir heiðar og eyddi helginni í góðu yfirlæti í höfuðstað landsins helsta nágrenni hans. Nú í þessari för minni hitti ég margan góðan drenginn og valinkunnar hnátur líka og má þar meðal annars nefna Geir Ólafsson, Gilzenegger að ógleymdum IDOL stjörnunum Gunnari og Arinari. Hápunktur ferðarinnar (fyrir utan það að sjá Geir Ólafsson) var þegar ég sá grænlenska LUNDARplebbann vel í glasi í miðborg Reykjavíkur. Annars gerðist fátt sem er orðum í eyðandi í þessari skemmtireisu.

Þessi vika hefur verið, að margra mati, ein sú svartasta í sögu Mötuneytis Menntaskólans á Akureyri og sér ekki fyrir endan á þessum ósköpum. Í gær var t.d. boðið upp á parmesanostabuff sem var skelfilegt en komst þó ekki með tærnar þar sem hlýrinn (sem ku víst vera fiskur) hafði hælana en það bauð brytaskömmin einmitt uppá í kvöldmat, nú og hér hefur að sjálfsögðu gleymst að minnast á falafel-pítuna  sem var boðið uppá í hádeginu en í staðinn fyrir buff ákvað nemendaGarðar að falafel með pítunni en fyrir áhugasama er það einhver kjúklingabaunagrænmetisblanda sem lítur út ekki ósvipað og kjötbolla og bragðast vægast sagt skelfilega. Þá er þessum leiðinlega matarkvartparti lokið og bið ég alla hlutaðeigandi aðila innilega afsökunar.

Nú rétt í þessu þegar ég rölti mína leið upp á 5. hæð LUNDAR nemendagarða varð ég vitni af einum hræðilegasta atburði lífs míns en þá stóðu svona á að giska 20 manns í stiganum og nágrenni hans og tveir voru í boxi, en ég hef aldrei skilið, mun aldrei skilja og vil aldrei skilja hversvegna í ands... þessir helv... visarbúar þurfa að eyða öllum sínum tíma í stiganum, að því er virðist eingöngu til að vera fyrir mér og pirra mig. Já þá er þessum kvartparti líka lokið, en hann á fullkomlega rétt á sér svo ég bið engann afsökunar á honum.

Í dag stofnaði ég í félagi við Júlíus Kristjánsson félagið FÁAA eða félag áhugamanna um afsönnun afstæðiskenningarinnar en við getum bara hreinlega ekki samþykkt það sem hún felur í sér en það væri nú fullleiðinlegt að fara nánar út í það hér en áhugsamir endilega hafið samband og ef vel gengur göngum við að Nóbelsverðlaununum vísum. En núna ætla ég að fara að læra fyrir líffræðipróf á morgun

Þetta er Frímann Haukur Ómarsson sem talar frá Akureyri

Gott kvöld góðir hálsar nú eða góðan dag ef svo á við. Núna er miðvikudagurinn 12 okt. að kveldi kominn eins og gerist vanalegast á þessum tíma árs. Það er búið að snjóa hér á þessari blessuðu eyri eins og hellt sé úr geðveikt stórri fötu sem er hræðilegt einkum og sér í lagi vegna þess að ég er ekki stoltur eigandi nagladekkja í augnablikinu er maður skelfingu lostinn þegar krúsað er um götur bæjarins, en þetta stendur allt til bóta.

Nú fyrr í kvöld hlammaði ég mér fyrir framan sjónvarpið og horfði á landslið Svíþjóðar og Íslands leika sér í fótbolta og það virðast ekki vera nein takmörk fyrir því hversu illa íslenska landsliðið getur leikið og þá sérstaklega leikmaður sem ég hef hatað svo árum skiptir og ber hið gríðarfallega nafn Auðunn og er Helgason. Annars fór þessi leikur 3-1 fyrir Svíana og virðist Svíagrýlan því enn vera að hrella okkur Íslendingana. Eftir leikinn ætluðum ég, Steini, Jón og Andrés að gera eitthvað myndband fyrir íslensku sem við áttum að skila síðasta mánudag en einhver uppgjöf var í hópnum og leiddi röð tilviljana til þess að ég, Steini og Jón enduðum á því að setja upp einhvern skáp heima hjá Steina og tók það tvo og hálfan tíma, aðeins. En maður hafði svosem ekkert betra að gera, nema kannski spila Striker of the month sem er btw. besti leikur í veraldarsögunni.

Það er miður gaman frá því að segja að IDOL-stjörnurnar og fyrrverandi vinir mínir Gunnar og Arinar komu í Séð og heyrt í dag og voru þeir meira að segja á forsíðunni, en í viðtalinu hreykja þeir sér af því að hafa samið lagið How is the weather saman tveir, en virða að vettugi þátt minn í samningu þessa lags. Þeir eru opinberlega núna verstu óvinir mínir og hefur Arinar verið rekinn úr ættinni með skömm, nema náttúrulega að þeir biðjist afsökunar þá verður þetta allt í lagi.

Hey já gaman frá því að segja að í kvöld pantaði ég í fyrsta skiptið á þessari önn pizzu frá Dominos en ég fullyrði að þetta er það lengsta tímabil sem ég hef náð án þess að panta pizzu frá meistarakokkunum sem þar reiða fram þessar dýrindis pizzur, þ.e.a.s tímabillið frá lendingu eftir Tyrklandsreisuna og þangað til núna, rétt tæpur mánuður.

Núna hef ég tekið þá djörfu ákvörðun að fara að steinsofa svo ég geti mætt hress og kátur í líffræði 203 hjá Þóri Haraldssyni á morgun.

Þetta er Frímann Haukur Ómarsson sem talar frá Akureyri

Eins og glöggir lesendur hafa tekið eftir er komið jólaþema hér á þessa síðu enda ekki seinna vænna komið fram í október. Enn gleggri lesendur hafa væntanlega líka tekið eftir fjölgun á linkunum hérna á vinstri kantinum. Ef einhver er ósáttur með veru sína eða óveru þar er sá hinn sami vinsamlegast beðinn að segja sína skoðun í skoðanir

Þetta er Frímann Haukur Ómarsson sem talar frá Akureyri

Nei halló!!! Tja ég veit ekki með ykkur en ég segi allt ágætt bara svo það sé á hreinu. Eins og vera ber hefur margt og mikið gerst í mínu lífi undanfarna daga. Ber þar hæst að nefna 1H/4U samkomu, sem var að vísu árshátíð pókerklúbbsins Hæstu hendinnar en það vildi svo skemmtilega til að aðeins nemendur úr þessum tveimur bekkjum létu sjá sig þar (með örfáum undantekningum) og er ekkert í MA-ískum lögum sem bannar það. En þetta partý var svosem ágætt, að vísu var það agnarögn styttra en upphaflega stóð til, en við strákarnir ætluðum að mæta galvaskir klukkan 18:30 og byrja gleðiskapinn og tjútta fram til 3 eða 4 en þess í stað mættum við rúmlega 20:00 en ég treysti mér ekki til að segja hvenær við yfirgáfum sökkvandi skútuna. Eftir þetta partý fór ég ásamt vel völdum einstaklingum sem bera nöfnin Andrés, Ævar, Inga og Valgerður í Sjallan og var það svona lala þangað til sanrruglaðir sunnanmenn ákváðu að það eina rétta í stöðunni væri að stofa til hópslagsmála en þá snáfuðum við út úr húsinu á mettíma. Því miður varð þetta partý þess valdandi að ég missti af IDOL en þar stigu á stokk ekki ómerkari menn en Arinar og Gunnar (aka Kindurnar) og sungu sig inn í hug og hjörtu þeirra sem á hlýddu, en komumst ekki áfram, mér og öðrum til mikillar undrunar.
Í gær var svo sennilega sá dagur í mínu lífi þar sem ég hef gert hvað minnst, en samanstóð hann af tölvuíveringu, hangsi inní herbergi hjá Svenna og síðast en alls ekki síst Friends-áhorfi og er ég ekki frá því að þetta sé einn besti dagur lífs míns til þessa. Mæli með www.leikjanet.is en það er hægt að finna sér eitthvað til dundurs svo klukkutímum skiptir.
Í dag er svo stór dagur í mínu lífi en ég á einmitt afmæli um þessar mundir og er einmitt akkurat 19 ára sem er alveg rosalegt. Að vísu hefur þessi dagur ekki verið svo ýkja frábrugðinn öðrum sunnudögum til þessa í mínu lífi, fyrir utan það að amma var með dúk á borðinu þegar ég fór í kaffi til þeirra skjötuhjúanna áðan það var geðveikt (sko að hafa dúk).
Núna hef ég tekið þá ákvörðun að reyna að læra eitthvað í efnafræði þar sem ég hef ekki verið nógu iðinn við kolann í því fagi það sem af er þessari önn og skil ekki bofs í því.
Þetta er Frímann Haukur Ómarsson sem talar frá Akureyri

Þessi færsla er í boði Hröbbu þar sem hún klukkaði mig

1. Ég er einn mesti áhugamaður um sjúkrabíla á Íslandi (ásamt Hermanni)

2. Ég er alltaf að reyna að hætta að drekka kók, það er erfitt

3. Ég hata sandpappír mest af öllu í heiminum

4. Á þriggja mánaða tímabili horfði ég á Cool Runnings á hverjum degi og horfi á hana reglulega enn í dag

5. Ég hef aldrei séð neina Lord of the Rings mynd

Að lokum hef ég ákveðið að klukka Tryggva, Arinar, Andrés og Hildigunni. Ýkt óheppin þið!!!!

Þetta er Frímann Haukur Ómarsson sem talar frá Akureyri

Nei halló og góðan dag! Að vanda er langt liðið frá síðustu færslu og að sjálfsögðu er maður uppfullar af góðum sögum síðan síðast, eða svona þannig já. Þess má til dæmis til gamans geta að síðan ég skrifaði hérna síðast hef ég farið í aðra heimsálfu komið aftur til Evrópu farið aftur til Asíu og síðan aftur til Evrópu. Eins og glöggir lesendur hafa væntanlega áttað sig á fór ég til Tyrklands ásamt stúdentsefnum Menntaskólans á Akureyri ásamt góðum gestum og örfáum gangandi. Tyrklandsferðin var bara hin ágætasta skemmtun og ekki orð um það meir. Þótt ótrúlegt megi virðast lifði ég báðar flugferðirnar af þrátt fyrir ansi nákvæma útreikninga mína og Andrésar í eðlisfræði í fyrra sem bentu til annars, en svona er þetta bara það gengur bara betur næst.

Eftir þessa Tyrklandsreisu var förinni heitið á LUND sjálfseingarstofnun sem á að heita viðhaldsfrí er það svo sannarlega ekki þar sem bæði svalahurðin og glugginn á herbergi 5212 voru biluð við komu. Rétt eftir lendingu á Akureyraflugvelli byrjaði svo skólinn og er ég víst í 4.bekk U ásamt misfríðu fólki sem er upp til hópa ágætt. Í síðustu viku var busunin og fengum við það verðuga verkefni að koma 1.H til vits og ára, það gekk ágætlega og vil ég þakka það þeirri gríðargóðu föðurímynd sem þau höfðu en ég var "pabbi" bekkjarins, semsagt svona gaur sem þau áttu að tala við ef þau voru ósátt við eitthvað alveg ýkt góð hugmynd að láta mig í það, en sem betur fer var lítið um það að þau þyrftu að fá föðurleg ráð.

Annars er maður bara lifandi þessu rólega lífi og einbeitir sér að því að gera sem allra minnst, það er ekki einusinni hægt að horfa á fréttir lengur þar sem þetta Baugsmál er að gera allt vitlaust og ég nenni ekki að fylgjast með því, nema náttúurlega þegar það er talað um eða við Jónínu Ben sem er einn mesti höfðingi Íslandssögunnar og ætti að vera til á hverju heimili, ég elska fólk er frægt fyrir að vera frægt.

Já ég gleymdi næstum því að minnast á það að Pjakkur, kötturinn sem amma og afi í Kópavogi áttu lést því miður í vikunni aðeins 17 ára gamall (í mannsárum). Ekki það að mér hafi líkað vel við hann síðustu svona 11 árin (hann byrjaði að verða gamall og pirraður frekar senmma) en það var samt alltaf gaman að því að heyra nýju mjálmin hans,sem urðu alltaf einkennilegri með hverjum deginum og gefa honum hakk að éta því hann var svo heimskur að hann át ekki kattamat. Já blessuð sé minning hans og vil ég benda  á að áhugasamir geta lesið allt um ævi hans á hinni stórgóðu síðu blog.central.is/polyphonic þar sem Arinar frændi minn hefur soðið saman ansi magnaða grein.

Þetta er Frímann Haukur Ómarsson sem talar frá Akureyri

Jú góðan dag eða kvöld eða eitthvað. Eins og glöggir lesendur hafa eflaust tekið eftir er ansi langt síðan maður hefur krotað eitthvað á þessa síðu og er þetta því kærkomin viðbót í pistlaflóru þessarar annars viðhaldsfríu síðu. Margt merkilegt og ómerkilegt hefur gerst frá síðustu færslu og eru lesendur ýkt óheppnir að hafa ekki tækifæri á að lesa um þau ósköp! Meðal þess helsta má nefna að ég byrjaði að vinna aukavinnu í esso og hætti síðan aftur vegna þess að þetta er einn skelfilegasti vinnustaður sem um getur og ríkir algjört stjórnleysi þarna, sem er ekki gott. Annars eru flestir dagar ansi svipaðir byggjast upp á vinnu og svefni ásamt ýmiskonar afþreyingu t.d. að pirra lítil börn og aka eins og brjálæðingur um götur bæjarins. Já ég gerði ansi stóra fjárfestingu um daginn og keypti mér bíl, VW Boru árg. 2003 sem er bara ágætis ökutæki, mætti að vísu vera á flottari felgum en það er seinni tíma vandamál, tilhvers að gera eitthvað í dag sem þú getur gert á morgun (eða næsta sumar) tvímælalaust besta mottó sem til er í heiminum. Í dag var (og er) alveg sóðalega heitt á Blönduósi og um allt land held ég bara svo ég tók þá ákvörðun að fara út að labba með agnarsmáa barnið en þess má til gamans geta að ég hef aldrei áður gert það á þessum tveimur árum rúmu sem hún hefur verið á meðal vor svo það var kannski kominn tími til. Annars er ég að spá í að fara héðan út og leita mér af afþreyingu. Þetta er Frímann Haukur Ómarsson sem talar frá Blönduósi

 Já komiði sælir lesendur góðir og til hamingju með 17.júní sem er um það bil að renna sitt skeið eða svona bráðum allavegana. Ég tók þá umdeilanlegu ákvörðun að vera á Blönduósi um helgina og sé ég mjög mikið eftir þeirri ákvörðun núna þar sem ekki aðeins er hundleiðinlegt veður hérna (og methiti í borg óttans) heldur er einnig afskaplega fátt að gerast hérna öllum til mikillar undrunar. 17.júní hátíðarhöldin hér í bæ voru vægast sagt skondin þá sérstaklega tvennt, í fyrsta lagi skrúð"gangan" þar sem saman voru komnir á fjórða tug manns fótgangandi og 50 manns í bílum (tek það fram að ég lét ekki sjá mig þar, fylgdist bara með úr stúkusæti, þ.e. stofunni heima) og í öðru lagi ræða háttvirts 8. þingmanns Norðvestur kjördæmis Jóns Bjarnasonar en ég sver það við hægri vísifingur að það var enginn (og þá meina ég ekki nokkur maður) að hlusta á kallinn. Ok það er væntanlega öllum alveg nákvæmlega sama en ýkt óheppin að hafa lesið þetta.

Síðustu daga hefur verið óvenju gaman í vinnunni þar sem við höfum verið að mála eitt stykki sjúkrahús að utan og því skora ég á alla sem eiga leið í gegnum Blönduós að hafa orð á því við ferðafélga sinn/sína hversu óvenju vel málað sjúkrahúsið er (tek það samt fram að við erum ekki byrjaðir á þeirri hlið sem sést frá þjóðveginum svo þið verðið að bíða aðeins).

Á sunnudaginn ætla ég að bregða undir mig betri fætinum og fara til höfuðborgarinnar og vonandi fjárfesta í bíl, annaðhvort VW Boru eða Skoda Octavia og skora ég á alla að taka þátt í skoðanakönnuninni hér á síðunni og þar með er ég rokinn...

Þetta er Frímann Haukur Ómarsson sem talar frá Blönduósi

Góðan dag fólk. Eins og alþjóð veit er próftíðin í MA á enda og kláraði ég mitt síðasta próf á föstudaginn og gekk bara nokkuð vel þrjár sjöur, tvær áttur og ein nía en ég er bara frekar sáttur við allt nema 7 í efnafræði, hefði viljað fá 8 en því miður þýðir ekki að gráta Björn bónda. Á mánudaginn mætti ég galvaskur til vinnu á Heilbrigðisstofnuninni á Blönduósi og hef gert það á hverjum degi upp frá því og líkar ágætlega nema stundum þ.e.a.s þegar það er kalt og ég þarf að vinna úti en það er nú bara væl. Annars einkennast dagarnir af vinnu og svefni þessa dagana sem er ágætt. Já heyrðu ég nenni þessu ekki lengur er að pæla í að fara að sofa.

Þetta er Frímann Haukur Ómarsson sem talar frá Blönduósi

Nei halló mínir kæru vinir og vandamenn sem og aðrir lesendur síðunnar sem geta ekki séð sér fært að flokka sig sem mína vini eða vandamenn. Eins og komið var inná í síðusta pistli er próftíðin í sögulegu hámarki þessa stundina nemendum til ómældrar ánægju, þá einkum og sér í lagi nemendum á þriðja ári náttúrufræðibrautar sem virðast ansi margir eiga það sameiginlegt að vera miður góðir í eðlisfræði og er ég engin undantekning. Ég hafði að vísu álitið mig ágætan í þessu en við nánari skoðun kom í ljós að ég kann harla fátt í þessu og er ég því svo sannarlega ýkt óheppinn, en prófið er ekki fyrr en á föstudaginn svo það er tæp vika sem maður hefur til stefnu og þetta stendur allt til bóta.

Í gærkvöldi ætlaði ég að snúa sólarhringnum á réttan kjöl aftur (en ég hafði einmitt snarsnúið honum við þegar ég lærði fyrir frönsku og líffærafræði) en það gekk ansi illa... já ég sé núna eftir því að hafa skrifað þetta, góð saga!!! ég er hættur við að klára hana.

Á morgun verður mikill tyllidagur hjá mér hann mun væntanlega enda í eðlisfræðilærdómi og líka smá stærðfræði en það er nú bara aukaatriði. Ég hef tekið þá ákvörðun að byrja með svona lag dagsins eins og flestar gelgjur þessa lands eru með á bloggsíðunum sínum og vona ég að lesendur muni taka vel í þessa nýbreytni.

Lag dagsins: Á pöbbinn með Ríó Tríó

Þetta er Frímann Haukur Ómarsson sem talar frá Akureyri